Learning Objectives ဘာတွေသင်ယူရမလဲ?

Brand You အနေနဲ့ အမျိုးသမီးတွေရဲ့ ပုံရိပ်နဲ့ ကိုယ်ရည်ကိုယ်သွေးဆိုင်ရာ ဟောပြောတိုင်ပင်ဆွေးနွေးမှုတွေ ပြုလုပ်ခဲ့တာဟာ အခုဆိုရင် ၅နှစ်နီးပါး ရှိပြီဖြစ်ပါတယ်။ မြန်မာနိုင်ငံရဲ့ အရပ်ဒေသပေါင်းစုံ၊ ကဏ္ဍပေါင်းစုံက မြန်မာအမျိုးသမီးတွေသာမက နိုင်ငံရပ်ခြားမှာ နေထိုင်၊ အလုပ်လုပ်ကိုင်နေတဲ့ မြန်မာအမျိုးသမီးတွေကိုပါ ထိရောက်တဲ့ သင်ကြားမှုတွေ ပေးနိုင်ခဲ့ပါတယ်။ ဒီ 31 Steps to Personality သင်တန်းက  ကမ္ဘာအရပ်ရပ်၊ နယ်ပယ်အသီးသီးမှာ ရှိနေတဲ့ မြန်မာအမျိုးသမီးတွေ မိမိကိုယ်ကို ပိုပြီးယုံကြည်မှုရှိလာစေဖို့၊ ပိုပြီး ပျော်ရွှင်၊ အောင်မြင်တဲ့ ဘဝကို ကိုယ်တိုင်ဖန်တီးတည်ဆောက်နိုင်စေဖို့၊ ဗဟုသုတရရုံသာမကဘဲ တကယ့်ဘဝထဲမှာ လိုက်ပါလုပ်ဆောင်ပြီး ပြောင်းလဲမှုနဲ့ ရေရှည်ရလဒ်တွေ ရစေဖို့၊ လုပ်ငန်းခွင်နဲ့ လူမှုဆက်ဆံရေးမှာ ပိုပြီး အဆင်ပြေချောမွေ့စေဖို့၊ ကိုယ့်ရဲ့ သားသမီးတွေကို မှန်ကန်စွာပြုစုပျိုးထောင်နိုင်စေဖို့၊ အမျိုးသမီးကျန်းမာရေးနဲ့ ဆိုင်တဲ့ ဗဟုသုတတွေရစေဖို့၊ ဘဝရဲ့ အစိတ်အပိုင်း တစ်ခုထဲမှာ အောင်မြင်တာမဟုတ်ဘဲ မျှတတဲ့၊ မိသားစုနဲ့ လူမှုပတ်ဝန်းကျင်ကို အကျိုးပြုနိုင်တဲ့၊ ကြံ့ခိုင်တဲ့ အမျိုးသမီးတွေဖြစ်လာစေဖို့ ရည်ရွယ်ပါတယ်။